विलोकनेनैव तवामुना मुने
कृतः कृतार्थोस्मि निबर्हितांहसा ।
तथापिशुश्रूषुरहं गरीयसी-
र्गिरोऽथवा श्रेयसि केन वा तृप्यते ॥

मल्लिनाथः विलोकनेनेति ॥ हे मुने, निबर्हितांहसापहृतपाप्मना अत एवामुना तव विलोकनेनैव कृतार्थः कृतोऽस्मि । तथाप्यहं गरीयसीरर्थवत्तराः । `द्विवचन-` (अष्टाध्यायी ५.३.५७ ) इत्यादिना ईयसुन्प्रत्ययः । `उगितश्च` (४।१६) इति ङीप् । `प्रियस्थिर-` (अष्टाध्यायी ६.४.१५७ ) इत्यादिना गुरोर्गरादेशः । गिरस्तव वाचोऽपि शुश्रूषुः श्रोतुमिच्छुरस्मि । शृणोतेः सन्नन्तादुप्रत्ययः । न चैतद्वृथेत्याहअथवा तथाहीत्यर्थः । अथवेति पक्षान्तरप्रसिद्ध्योरिति गणव्याख्यानात् । श्रेयसि विषये केन तृप्यते । न केनापीत्यर्थः । कृतार्थताया इयत्ताभावादिति भावः । भावे लिट्

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२	१३
वि	लो	क	ने	नै	व	त	वा	मु	ना	मु	ने
कृ	तः	कृ	ता	र्थो	स्मि	नि	ब	र्हि	तां	ह	सा
त	था	पि	शु	श्रू	षु	र	हं	ग	री	य	सी
र्गि	रो	ऽथ	वा	श्रे	य	सि	के	न	वा	तृ	प्य	ते
ज			त			ज			र

Other texts to read

भट्टिकाव्यम् भट्टिः

योगवासिष्ठम् वाल्मीकिः

About

Resources

Connect