कृतः प्रजाक्षेमकृता प्रजासृजा
सुपात्रनिक्षेनिराकुलात्मना ।
सदोपयोगेऽपि गुरुस्त्वमक्षयो
निधिः श्रुतीनां धनसंपदामिव ॥

मल्लिनाथः कृत इति ॥ प्रजानां जनानामपत्यानां च क्षेमकृता कुशलकारिणा । `प्रजा स्यात्संततौ जने` इत्यमरः । सुपात्रे योग्यपुरुषे कटाहादिदृढभाजने च निक्षेपेण निधानेन च निराकुलात्मना स्वस्थचित्तेन । `योग्यभाजनयोः पात्रम्` इत्यमरः । प्रजासृजा ब्रह्मणा पुत्रिणा च त्वं धनसंपदामिव श्रुतीनां वेदानां सदोपयोगे दानभोगाभ्यां व्ययेऽप्यक्षयः । एकत्राम्नानादन्यत्रानन्त्याच्चेति भावः । गुरुरुपदेष्टा । संप्रदायप्रवर्तक इति यावत् । अन्यत्र महान् । निधीयत इति निधिः निक्षेपः कृतः । "उपसर्गे घोः किः` (अष्टाध्यायी ३.३.९२ ) । श्रुतिसंप्रदायद्वारा धर्माधर्मव्यवस्थापकतया जगत्प्रतिष्ठाहेतूनां भवादृशां दर्शनं कस्य न श्लाघ्यमिति भावः । अत्र शब्दमात्रसाधर्म्याच्छ्लेषोऽयं प्रकृतविषय इत्याहुः

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
कृ	तः	प्र	जा	क्षे	म	कृ	ता	प्र	जा	सृ	जा
सु	पा	त्र	नि	क्षे	नि	रा	कु	ला	त्म	ना
स	दो	प	यो	गे	ऽपि	गु	रु	स्त्व	म	क्ष	यो
नि	धिः	श्रु	ती	नां	ध	न	सं	प	दा	मि	व
ज			त			ज			र

Other texts to read

श्रीमद्भगवद्गीता

भट्टिकाव्यम् भट्टिः

About

Resources

Connect