स तप्ताकार्तस्वरभास्वराम्बरः
कठोरधाराधिपलाञ्छनच्छविः ।
विदिद्युते बाडवजातवेदसः
शिखाभिराश्लिष्ट इवाम्भसां निधिः ॥

मल्लिनाथः स तप्तेति ॥ तप्तं पुटपाकशोधितं कार्तस्वरं सुवर्णम् । `रुक्मं कार्तस्वरं जाम्बूनदमष्टापदोऽस्त्रियाम्` इत्यमरः । तद्वद्भास्वरं दीप्यमानमम्बरं यस्य सः । पीताम्बर इत्यर्थः । कठोरताराधिपस्य पूर्णेन्दोर्लाञ्छनस्य छविरिव छविर्यस्य स इत्युपमानपूर्वपदो बहुव्रीहिरुत्तरपदलोपश्च । स हरिर्वाडवजातवेदसो वाडवाग्नेः शिखाभिर्ज्वालाभिराश्लिष्टो व्याप्तोऽम्भसां निधिरिव समुद्र इव विदिद्युते बभौ

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
स	त	प्ता	का	र्त	स्व	र	भा	स्व	रा	म्ब	रः
क	ठो	र	धा	रा	धि	प	ला	ञ्छ	न	च्छ	विः
वि	दि	द्यु	ते	बा	ड	व	जा	त	वे	द	सः
शि	खा	भि	रा	श्लि	ष्ट	इ	वा	म्भ	सां	नि	धिः
ज			त			ज			र

Other texts to read

महाभारतम् वेदव्यासः

किरातार्जुनीयम् भारविः

About

Resources

Connect