अशेषतीर्थोपहृताः कमण्डलो-
र्निधाय पाणावृषीणाभ्युदीरिताः ।
अघौघविध्वंसविधौ पटीयसी-
र्नतेन मूर्द्ना हरिरग्रहीदापः ॥

मल्लिनाथः अशेषेति ॥ अशेषेभ्यस्तीर्थेभ्य उपहृता आहृतास्तथा । कमण्डलोरुदकपात्रादुद्धृत्येत्यर्थः । पाणौ निधाय क्रियान्तराक्षिप्तक्रियापेक्षया कमण्डलोरपादानत्वम् । `अस्त्री कमण्डलुः कुण्डी` इत्यमरः । ऋषिणाभ्युदीरिता आक्षिप्ता अत एवाघौघानां पापसमूहानां विध्वंसविधौ विनाशकरणे पटीयसीः समर्थतराः। पटुशब्दादीयसुनि `उगितश्च` (अष्टाध्यायी ४.१.६ ) इति ङीप् । अपो जलानि हरिर्नतेन मूर्ध्नाग्रहीत्स्वीकृतवान् । ग्रहेर्लुङ्

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११	१२
अ	शे	ष	ती	र्थो	प	हृ	ताः	क	म	ण्ड	लो
र्नि	धा	य	पा	णा	वृ	षी	णा	भ्यु	दी	रि	ताः
अ	घौ	घ	वि	ध्वं	स	वि	धौ	प	टी	य	सी
र्न	ते	न	मू	र्द्ना	ह	रि	र	ग्र	ही	दा	पः

Other texts to read

महाभारतम् वेदव्यासः

कुमारसंभवम् कालिदासः

About

Resources

Connect