लीढालीढपुराणसूक्तिशकलावष्टम्भसंभावना-
पर्यस्तश्रुतिसेतुभिः कतिपयैर्नीते कलौ सान्द्रताम् ।
श्रीकण्ठोऽवततार यस्य वपुषा कल्क्यात्मनेवाच्युतः
श्रीमानप्पयदीक्षितः स जयति श्रीकण्ठविद्यागुरुः ॥

विस्तारः श्रुतेरुपबृंहणतयेव पुराणाना प्रामाण्यम् । सत्येवं पुराणानुरोधेन श्रुतीरन्यथा नयन्ति केचित् । तादृशो विमतस्थान्खण्डयितुमप्पय्यदीक्षितरूपेण धूर्जटिरवनाववततार । श्रीकण्ठाचार्यप्रणीतस्य ब्रह्मसूत्रभाष्यस्य शिवार्कमणिदीपिकाख्या अभ्यर्हिता व्याख्या श्रीमदप्पय्यदीक्षितेन अकारि । तस्य भ्रातृपौत्र एवास्य ग्रन्थस्य कर्ता नीलकण्ठ ॥

छन्दः शार्दूलविक्रीडितम् [१९: मसजसततग]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५	१६	१७	१८	१९
ली	ढा	ली	ढ	पु	रा	ण	सू	क्ति	श	क	ला	व	ष्ट	म्भ	सं	भा	व	ना
प	र्य	स्त	श्रु	ति	से	तु	भिः	क	ति	प	यै	र्नी	ते	क	लौ	सा	न्द्र	ताम्
श्री	क	ण्ठो	ऽव	त	ता	र	य	स्य	व	पु	षा	क	ल्क्या	त्म	ने	वा	च्यु	तः
श्री	मा	न	प्प	य	दी	क्षि	तः	स	ज	य	ति	श्री	क	ण्ठ	वि	द्या	गु	रुः
म			स			ज			स			त			त			ग

Other texts to read

कादम्बरीसंग्रहः कृष्णमाचार्यः

पञ्चतन्त्रम् विष्णुशर्मा

About

Resources

Connect