वीर्यावदानेषु कृतावमर्ष-
स्तन्वन्नभूतामिव सम्प्रतीतिम् ।
कुर्वन्प्रयामक्षयमायतीना-
मर्कत्विषामह्न इवावशेषः ॥

सारांश AI अपने पराक्रम पर संदेह उत्पन्न करते हुए और भविष्य की उन्नति को नष्ट करते हुए आप अस्ताचलगामी सूर्य की शेष बची प्रभा के समान निस्तेज प्रतीत हो रहे हैं।

घण्टापथव्याख्या (मल्लिनाथः) वीर्येति ॥ पुनश्च । वीर्याण्येवावदानानि तेषु कृतावमर्षः कृतास्कन्दनः । पुराकृत पराक्रमजातान्यपि प्रमृजन्नित्यर्थः। अवदानं कर्म वृत्तम् इत्यमरः (अमरकोशः ३.२.३ ) । अतएव संप्रतीतिं ख्यातिम् । प्रतीते प्रथितख्यातवित्तविज्ञातविश्रुताः इत्यमरः (अमरकोशः ३.१.९ ) । अभूतामविद्यमानामिवेत्युत्प्रेक्षा । सतोऽप्यसत्त्वमुत्प्रेक्ष्यते। तन्वन्कुर्वन् । पुनश्चाह्रोऽवशेषो दिनान्तोऽर्कत्विषामिवायतीनामुत्तरकालानां प्रयामक्षयं दैर्घ्यनाशं कुर्वन्निति श्रौती पूर्णेयमुपमा। अरिनिराकृतस्य कुतश्चिरावस्थानमिति भावः ॥

छन्दः इन्द्रवज्रा [११: ततजगग]

छन्दोविश्लेषणम्

१	२	३	४	५	६	७	८	९	१०	११
वी	र्या	व	दा	ने	षु	कृ	ता	व	म	र्ष
स्त	न्व	न्न	भू	ता	मि	व	स	म्प्र	ती	तिम्
कु	र्व	न्प्र	या	म	क्ष	य	मा	य	ती	ना
म	र्क	त्वि	षा	म	ह्न	इ	वा	व	शे	षः
त			त			ज			ग	ग

Other texts to read

नैषधीयचरितम् श्रीहर्षः

श्रीमद्भगवद्गीता

About

Resources

Connect