तिष्ठतां तपसि पुण्यमासज-
न्सम्पदोऽनुगुणयन्सुखैषिणाम् ।
योगिनां परिणमन्विमुक्तये
केन नास्तु विनयः सतां प्रियः ॥

सारांश AI सज्जनों की विनयशीलता सबको प्रिय क्यों न हो? यह तपस्वियों को पुण्य, सुख चाहने वालों को अनुकूल संपत्ति और योगियों को मोक्ष प्रदान करने वाली होती है।

घण्टापथव्याख्या (मल्लिनाथः) तिष्ठतामिति ॥ तपसि तिष्ठतां तपोनिष्ठानाम् । धर्मार्थनामित्यर्थः । पुण्यं धर्ममासजन्संपादयन् ।

स्याद्धर्ममस्त्रियां पुण्यश्रेयसी सुकृतं वृषः

इत्यमरः (अमरकोशः १.४.२५ ) । सुखैषिणां सुखार्थिनां संपदः सुखसाधनभूतानर्थाननुगुणयन्ननुकूलयन् । अर्थकामयोरपि हेतुभूत इत्यर्थः। तथा योगिनां विमुक्तयेऽपवर्गाय परिणमन्संपद्यमानो विनयः सौशील्यं केन हेतुना सतां प्रियो नास्तु। संभावनायां लोट् । सर्वथाविनय एव चतुर्वर्गसाधनमित्यर्थः। अतस्त्वया नास्मत्स्वामिशराशैर्ये कार्यमिति तात्पर्यम् ॥ अथवा किं भवादृशेष्वन्यसंभावनया यतो भ्रान्तिरपि संभाव्यत इति मृदूक्तिमवलम्ब्याह

छन्दः रथोद्धता [११: रनरलग]

छन्दोविश्लेषणम्

१	२	३	४	५	६	७	८	९	१०	११
ति	ष्ठ	तां	त	प	सि	पु	ण्य	मा	स	ज
न्स	म्प	दो	ऽनु	गु	ण	य	न्सु	खै	षि	णाम्
यो	गि	नां	प	रि	ण	म	न्वि	मु	क्त	ये
के	न	ना	स्तु	वि	न	यः	स	तां	प्रि	यः
र			न			र			ल	ग

Other texts to read

रघुवंशम् कालिदासः

योगवासिष्ठम् वाल्मीकिः

About

Resources

Connect