स गतः क्षितिमुष्णशोणितार्द्रः
खुरदंष्ट्राग्रनिपातदारिताश्मा ।
असुभिः क्षणमीक्षितेन्द्रसूनि-
र्विहितामर्षगुरुध्वनिर्निरासे ॥

सारांश AI रक्त से लथपथ और पत्थरों को चीरता हुआ वह वराह भीषण गर्जना के साथ अर्जुन को देखते हुए पृथ्वी पर गिर पड़ा।

घण्टापथव्याख्या (मल्लिनाथः) स इति ॥ क्षितिं गतः क्षितौ पतित उष्णेन प्रत्यग्रत्वाच्छोणितेनार्द्र: प्लुतः खुराणां दंष्ट्रयोश्चाग्राणां निपातेनाघातेन दारिताश्मा पाटितपाषाणः।किंच।क्षणमीक्षितेन्द्रसूनुः। स्वार्थविघतरोषादिति भावः । अत एव विहितः कृतोऽमर्षगुरुः क्रोधोद्धत्तो ध्वनिः क्रन्दितं येन स तथोक्तः स वराहोऽसुभिः प्राणैर्निरासे निरस्तः । त्यक्त इत्यर्थः । अस्यतेः कर्मणि लिट् । इयं च स्वभावोक्तिः ।

छन्दः औपच्छन्दसिक

छन्दोविश्लेषणम्

१	२	३	४	५	६	७	८	९	१०	११	१२
स	ग	तः	क्षि	ति	मु	ष्ण	शो	णि	ता	र्द्रः
खु	र	दं	ष्ट्रा	ग्र	नि	पा	त	दा	रि	ता	श्मा
अ	सु	भिः	क्ष	ण	मी	क्षि	ते	न्द्र	सू	नि
र्वि	हि	ता	म	र्ष	गु	रु	ध्व	नि	र्नि	रा	से

Other texts to read

महाभारतम् वेदव्यासः

शिशुपालवधम् माघः

About

Resources

Connect