वंशलक्ष्मीमनुद्धृत्य समुच्छेदेन विद्विषाम् ।
निर्वाणमपि मन्येऽहमन्तरायं जयश्रियः ॥

सारांश AI शत्रुओं का नाश कर वंश की लक्ष्मी को वापस पाए बिना मैं मोक्ष को भी विजय के मार्ग की बाधा मानता हूँ।

घण्टापथव्याख्या (मल्लिनाथः) वंशेति ॥ अहं तु विद्विषां शत्रूणां समुच्छेदेन विनाशेन करणेन वंशलक्ष्मीमनुद्धृत्यापुनरावर्त्य निर्वाणं मोक्षमपि जयश्रियोऽन्तरायं विघ्नं मन्ये । न तु पुरुषार्थमित्यर्थः । किमुतान्योत्सवादिकमिति भावः ॥ नन्वयं ते दुराग्रह इत्यत आह

छन्दः अनुष्टुप् [८]