अथ क्षमामेव निरस्तसाधन-
श्चिराय पर्येषि सुखस्य साधनम् ।
विहाय लक्ष्मीपतिलक्ष्म कार्मुकं
जटाधरः सञ्जुहुधीह पावकम् ॥

सारांश AI यदि आप युद्ध के साधनों को त्यागकर क्षमा को ही सुख का साधन मानते हैं, तो राजसी धनुष छोड़कर जटाएँ धारण करें और वन में अग्निहोत्र करें।

घण्टापथव्याख्या (मल्लिनाथः) अथेति ॥ अथ पक्षान्तरे निरस्तविक्रमः सन् । चिराय चिरकालेनापि क्षमां क्षान्तिमेव । क्षितिक्षान्त्योः क्षमा इत्यमरः (अमरकोशः ३.३.१५१ ) । सुखस्य साधनं पर्येष्यवगच्छसि तर्हि लक्ष्मीपतिलक्ष्म राजचिह्नं कार्मुकं विहाय । धरतीति धरः। पचाद्यच् । जटानां धरो जटाधरः सन्निह वने पावकं जुहुधि । पावके होमं कुर्वित्यर्थः । अधिकरणे कर्मत्वोपचारः। विरक्तस्य किं धनुषेत्यर्थः । "हुझल्भ्यो हेर्धिः ॥ । अथ समयोल्लङ्घनाद्विभेषि तदपि न किंचिदित्याह

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
अ	थ	क्ष	मा	मे	व	नि	र	स्त	सा	ध	न
श्चि	रा	य	प	र्ये	षि	सु	ख	स्य	सा	ध	नम्
वि	हा	य	ल	क्ष्मी	प	ति	ल	क्ष्म	का	र्मु	कं
ज	टा	ध	रः	स	ञ्जु	हु	धी	ह	पा	व	कम्
ज			त			ज			र

Other texts to read

भट्टिकाव्यम् भट्टिः

महाभारतम् वेदव्यासः

About

Resources

Connect