मल्लिनाथः
अवधीर्येति ॥ धैर्यकलिता कलितधैर्या सती । `वाहिताग्न्यादिषु` ( २।२। ३७) इति निष्ठायाः परनिपातः । दयितमवधीर्य तिरस्कृत्य तेन सह विरोधं विदधे करोमीति चेत् । दधातेः कर्तरि लट् । हे सखि, तव किमिव गोप्यते निगृह्यते । न किंचिदित्यर्थः । किंतु कथ्यत एवेति कथयति । सहसा बलेन वर्तत इति साहसिकी । `ओजःसहोऽम्भसा वर्तते` (अष्टाध्यायी ४.४.२७ ) इति ठक् । सा न भवतीत्यसाहसिकी । अहमिति शेषः । इदं साहसं विरोधं विरोधाचरणरूपं साहसकृत्यं कर्तुम् । `शकधृष-` (३।४|६५) इत्यादिना तुमुन् । सहत इति सहा समर्था । पचाद्यच् । नास्मि । अत्रासाहसिकत्वस्य विशेषणगत्या साहसासहनहेतुत्वोक्तेः पदार्थहेतुकं काव्यलिङ्गमलंकारः
छन्दः
प्रमिताक्षरा [१२: सजसस]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| अ | व | धी | र्य | धै | र्य | क | लि | ता | द | यि | तं |
| वि | द | धे | वि | रो | ध | म | थ | ते | न | स | ह |
| त | व | गो | प्य | ते | कि | मि | व | क | र्तु | मि | दं |
| न | स | हा | स्मि | सा | ह | स | म | सा | ह | सि | की |
| स | ज | स | स | ||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.