नारीभिर्गुरुजघनस्थलानां-
आस्यश्रीविजितविकासिवारिजानाम् ।
लोलत्वादपहरतां तदङ्गराग-
संजज्ञे स कलुष आशयो जलानाम् ॥

मल्लिनाथः नारीभिरिति ॥ नारीभिः कर्त्रीभिः गुरुजघनस्थलैराहतानाम् आस्यश्रीभिर्मुखशोभाभिर्विजितानि विकासीनि वारिजानि पद्मानि येषां तेषां लोलत्वाच्चलत्वात्सतृष्णत्वाच्च । `लोलश्चलसतृष्णयोः` इत्यमरः । तासामङ्गरागमपहरतां क्षाल. यतां च जलानां तोयानां जडानां च स आशयो ह्रदो हृदयं च कलुषोऽप्रसन्नः क्षुभितश्च संजज्ञे संजातः । अपहर्तुस्ताडनस्वहरणादिभिराशयः कलुषो भवतीति ध्वनिः । अभिधायाः प्रकृतार्थे नियन्त्रणान्न श्लेषः

छन्दः प्रहर्षिणी [१३: मनजरग]

छन्दोविश्लेषणम्

१	२	३	४	५	६	७	८	९	१०	११	१२	१३
ना	री	भि	र्गु	रु	ज	घ	न	स्थ	ला	नां
आ	स्य	श्री	वि	जि	त	वि	का	सि	वा	रि	जा	नाम्
लो	ल	त्वा	द	प	ह	र	तां	त	द	ङ्ग	रा	ग
सं	ज	ज्ञे	स	क	लु	ष	आ	श	यो	ज	ला	नाम्
म			न			ज			र			ग

Other texts to read

श्रीमद्भगवद्गीता

नैषधीयचरितम् श्रीहर्षः

About

Resources

Connect