न खलु वयममुष्य दानयोग्याः
पिबति च पाति च यासकौ रहस्त्वां ।
व्रज विचपममुं ददस्व तस्यै
भवतु यतः सदृशोश्चिराय योगः ॥

मल्लिनाथः नेत्यादि ॥ वयममुष्य दानयोग्या न भवामः खलु, किंतु या असावेवासकौ त्वत्प्रिया । `अव्ययसर्वनाम्नामकच्प्राक्टेः` (अष्टाध्यायी ५.३.७१ ) इत्यकच् । रहो रहसि । `रहश्चोपांशु चालिङ्गे` इत्यमरः । त्वां पिबति पानं करोति । `पा पाने` भौवादिकात्कर्तरि लट् । `पाघ्रा-` (अष्टाध्यायी ३.१.१३७ ) इत्यादिना पिबादेशः । पाति रक्षति च । अन्यतो वारयति चेत्यर्थः । `पा रक्षणे` अदादित्वाच्छपो लुक् । तस्यै अमुं विटान् पातीति विटपं पल्लवम् । `विटपः पल्लवे षिङ्गे` इति विश्वः । ददस्व प्रयच्छ । `दद दाने` इति भौवादिकाल्लोट् । व्रज गच्छ । यतो दानाच्चिराय चिरकालात् । चिरार्थेऽव्ययम् । सदृशोरनुरूपयोर्योगो भवतु । उभयोरपि विटपत्वादिति भावः । समालंकारोऽयम् । `सा समालंकृतिर्योगो वस्तुनोरनुरूपयोः` इति लक्षणात्

छन्दः पुष्पिताग्रा []

छन्दोविश्लेषणम्

१	२	३	४	५	६	७	८	९	१०	११	१२	१३
न	ख	लु	व	य	म	मु	ष्य	दा	न	यो	ग्याः
पि	ब	ति	च	पा	ति	च	या	स	कौ	र	ह	स्त्वां
व्र	ज	वि	च	प	म	मुं	द	द	स्व	त	स्यै
भ	व	तु	य	तः	स	दृ	शो	श्चि	रा	य	यो	गः

Other texts to read

कुमारसंभवम् कालिदासः

किरातार्जुनीयम् भारविः

About

Resources

Connect