प्रियतमेन यया सरुषा स्थितं
न सह सा सहसा परिरभ्य तम् ।
श्लथयितुं क्षणमक्षमतामङ्गना
न सह सा सहसा कृतवेपथुः ॥
प्रियतमेन यया सरुषा स्थितं
न सह सा सहसा परिरभ्य तम् ।
श्लथयितुं क्षणमक्षमतामङ्गना
न सह सा सहसा कृतवेपथुः ॥
न सह सा सहसा परिरभ्य तम् ।
श्लथयितुं क्षणमक्षमतामङ्गना
न सह सा सहसा कृतवेपथुः ॥
मल्लिनाथः
प्रियतमेति ॥ अत्राद्यपर्याये न सह सा इति त्रेधा विभागः । अन्यत्र सहसेत्येकं पदम् । सरुषा सरोषया यया स्त्रिया का प्रियतमेन सह न स्थितम् । नपुंसके भावे क्तः । सा अङ्गना स्त्री सहसा मार्गशीर्षमासेन । `मार्गशीर्षे सहा मार्गः` इत्यमरः । कृतवेपथुर्जनितकम्पा सती । `द्वितोऽथुच्` (अष्टाध्यायी ३.३.८९ ) इत्यथुच्प्रत्ययः । तं पूर्वमगणितमेव प्रियं हसेन सह वर्तत इति सहसा सहास्या सती । `अथो हसः । हासो हास्यं च` इत्यमरः । `स्वनहसोर्वा` (अष्टाध्यायी ३.३.६२ ) इति विकल्पादप्प्रत्ययः । सहसा शीघ्रम् । स्वरादिपाठादव्ययत्वम् । परिरभ्याश्लिष्य क्षणम् । क्षणमपीत्यर्थः । अन्यथा वैरस्यात् । अत एव सामर्थ्यलभ्यार्थत्वादपेरप्रयोगः । श्लथयितुं नाक्षमत । शिथिलीकर्तुं नोत्सहते स्मेत्यर्थः । मानिनीमानभञ्जनक्षमोऽयं मास इति भावः । कलहान्तरितेयं नायिका । `कोपात्कान्तं पराणुद्य पश्चात्तापसमन्विता` इति लक्षणात्
छन्दः
द्रुतविलम्बितम् [१२: नभभर]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ | १३ |
|---|---|---|---|---|---|---|---|---|---|---|---|---|
| प्रि | य | त | मे | न | य | या | स | रु | षा | स्थि | तं | |
| न | स | ह | सा | स | ह | सा | प | रि | र | भ्य | तम् | |
| श्ल | थ | यि | तुं | क्ष | ण | म | क्ष | म | ता | म | ङ्ग | ना |
| न | स | ह | सा | स | ह | सा | कृ | त | वे | प | थुः | |
| न | भ | भ | र | |||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.