निजरजः पटवासमिवाकिर-
द्धृतपटोपमवारिमुचां दिशां ।
प्रियवियुक्तवधूजनचेतसा-
मनवनी नवनीपवनावलिः ॥

मल्लिनाथः निजेति ॥ प्रियवियुक्तवधूजनचेतसाम् । कर्मणि षष्ठी । अनवनी अरक्षणी । किंतु हन्त्रीत्यर्थः । अवतेः कर्तरि ल्युटि ङीप् । नवनीपवनावलिः नवकदम्बकाननपङ्क्तिः । धृताः पटोपमाः पटकल्पा वारिमुचो मेघा याभिस्ताः । मेघपटावृता&#३२; इत्यर्थः । तासां दिशां निजरजः स्वपरागं पटवासं पिधानमिवेत्युत्प्रेक्षा । अकिरदक्षिपत् । सखीवदिति भावः

छन्दः द्रुतविलम्बितम् [१२: नभभर]

छन्दोविश्लेषणम्