विलुलितालकसंहृतिरामृश-
न्मृगदृशां श्रमवारि ललाटजम् ।
तनुतरङ्गततिं सरसां दल-
त्कुवलयं वलयन्मरुदाववौ ॥

मल्लिनाथः विलुलितेति ॥ विलुलितालकसंहतिर्विधुतचिकुरनिकरः सन् मृगदृशां ललाटजं श्रमवारि स्वेदमामृशन् परिमृजन् । मन्द इति भावः । सरसां तनुतरङ्गततिं&#३२; दलन्ति विकसन्ति कुवलयानि यस्मिन्कर्मणि तद्यथा तथा वलयंश्वालयन् । शीतल इति भावः । मरुद्वसन्तवायुराववौ आवाति स्म

छन्दः द्रुतविलम्बितम् [१२: नभभर]

छन्दोविश्लेषणम्