अरुणिताखिशैलवना मुहु-
र्विदधती पथिकान्परितापिनः ।
विकचकिंशुकसंहतिरुच्चकै-
रुदवहद्दवहव्यवहश्रियम् ॥

मल्लिनाथः अरुणितेति ॥ अरुणितान्यरुणीकृतान्यखिलानि शैलवनानि यया सा मुहुः पथिकानध्वगान् , विरहिणश्च परितापिनः संतापवतो विदधती उच्चैरेवोच्चकैरु. न्नता । `अव्ययसर्वनाम्नामकच्प्राक्टेः` (अष्टाध्यायी ५.३.७१ ) इत्यकच् प्रत्ययः । विकचा विकसिता या किंशुकसंहतिः पलाशकुसुमराशिः सा दवहव्यवहश्रियं दवाग्निशोभामुदवहत् । निदर्शनालंकारः ॥ इति वसन्तवर्णनम्

छन्दः द्रुतविलम्बितम् [१२: नभभर]

छन्दोविश्लेषणम्