त्रस्तः समस्तजनहासकरः करेणो-
स्तावत्खरः प्रखरमुल्ललयाञ्चकार ।
यावच्चलासनविलोलनितम्बबिम्ब-
विस्रस्तवस्त्रमवरोधवधूः पपात ॥

मल्लिनाथः त्रस्त इति ॥ करेणोरिभ्याः । `करेणुरिभ्यां स्त्री नेभे` इत्यमरः । `भीत्रार्थानां भयहेतुः` (अष्टाध्यायी १.४.२५ ) इत्यपादानत्वम् । त्रस्तो भीत: खरो गर्दभः समस्तजनस्य&#३२; हासं करोतीति तत्करः सन् । `कृञो हेतु-` (अष्टाध्यायी ३.२.२० ) इत्यादिना टप्रत्ययः । तावत्तदवधि प्रखरं भृशमुल्ललयांचकार उत्पपात । यावत् चलात् स्थानचलितादासनात् पल्ययनात् विलोलोऽपसृतस्तस्मान्नितम्बबिम्बाद्विस्रस्तं वस्त्रं यस्मिन्कर्मणि तद्यथा तथा अवरोधवधूः पपात । स्वभावोक्तिः

छन्दः वसन्ततिलका [१४: तभजजगग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
त्र	स्तः	स	म	स्त	ज	न	हा	स	क	रः	क	रे	णो
स्ता	व	त्ख	रः	प्र	ख	र	मु	ल्ल	ल	या	ञ्च	का	र
या	व	च्च	ला	स	न	वि	लो	ल	नि	त	म्ब	बि	म्ब
वि	स्र	स्त	व	स्त्र	म	व	रो	ध	व	धूः	प	पा	त
त			भ			ज			ज			ग	ग

Other texts to read

किरातार्जुनीयम् भारविः

रामायणम् वाल्मीकिः

About

Resources

Connect