निसर्गरक्तैर्वलयावनद्ध-
ताम्राश्मरश्मिच्छुरितैर्नखाग्रैः ।
व्यद्योताद्यापि सुरारिवक्षो-
विक्षोभजासृक्स्नपितैरिवासो ॥

मल्लिनाथः निसर्गेति ॥ असौ हरिर्निसर्गरक्तैः स्वभावलोहितैः । किंच वलये कटके `कटकं वलयोऽस्त्रियाम्` इत्यमरः । तयोरवनद्धानां प्रत्युप्तानां ताम्राश्मनां पद्मरागाणां रश्मिभिः छुरितैः अत एवाद्यापि सुरारेर्हिरण्यकशिपोर्वक्षसो विक्षोभेण विदारणेन जाता याऽसृक्तया स्नपितैः सिक्तैरिव स्थितैरित्युत्प्रेक्षा। स्नातेर्ण्यन्तात् क्तः । `अर्तिह्री-` (अष्टाध्यायी ७.३.३६ ) इत्यादिना पुगागमः । मितां ह्रस्वः । नखाग्रैर्व्यद्योतत । कटके च धृतवानित्यर्थः

छन्दः इन्द्रवज्रा [११: ततजगग]

छन्दोविश्लेषणम्

१	२	३	४	५	६	७	८	९	१०	११
नि	स	र्ग	र	क्तै	र्व	ल	या	व	न	द्ध
ता	म्रा	श्म	र	श्मि	च्छु	रि	तै	र्न	खा	ग्रैः
व्य	द्यो	ता	द्या	पि	सु	रा	रि	व	क्षो
वि	क्षो	भ	जा	सृ	क्स्न	पि	तै	रि	वा	सो
त			त			ज			ग	ग

Other texts to read

महाभारतम् वेदव्यासः

किरातार्जुनीयम् भारविः

About

Resources

Connect