मल्लिनाथः
छन्नेष्विति ॥ यत्र पुरि छन्नेष्वाच्छादितेषु । `वा दान्त-` (अष्टाध्यायी ७.२.२७ ) इत्यादिना वैकल्पिको निपातः । स्पष्टतरेषु । स्फुटतरं लक्ष्यमाणेष्वित्यर्थः । नारीकुचमण्डलेषु स्वच्छानि स्फटिकादिवदतिरोधायकानि, अम्बराणि वस्त्राणि केवलं नामतोऽम्बरमिति नाम्नेवाकाशसाम्यं न दधुः । `अम्बरं व्योम्नि वाससि` इति विश्वः । किंत्वर्थतोऽप्यर्थक्रिययापि तत्साम्यं दधुः । स्वयमतिसूक्ष्मत्वादव्यवधायकत्वं दृष्ट्यादेर्मूर्तान्तरगत्यविघातित्वं चेत्यादिनापि साम्यं दधुरित्यर्थः । उपमालंकारः
छन्दः
इन्द्रवज्रा [११: ततजगग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| छ | न्ने | ऽपि | स्प | ष्ट | त | रे | षु | य | त्र | |
| स्व | च्छा | नि | ना | री | कु | च | म | ण्ड | ले | षु |
| आ | का | श | सा | म्यं | द | धु | र | म्ब | रा | णि |
| न | ना | म | तः | के | व | ल | म | र्थ | तः | ऽपि |
| त | त | ज | ग | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.