सावर्ण्यभाजां प्रतिमागतानां
लक्ष्यैः स्मरपाण्डुतयाङ्गनानाम् ।
यस्यां कपोलैः कलधौतधाम-
स्तम्भेषु भेजे मणिदर्पणश्रीः ॥

मल्लिनाथः सावर्ण्येति ॥ यस्यां पुरि कलधौतधामस्तम्भेषु हेमागारस्तम्भेषु । `कलधौतं रौप्यहेम्नोः` इति विश्वः । प्रतिमागतानां प्रतिविम्बगतानां सावर्ण्यभाजाम् । तत्सावर्ण्यादगृहीतभेदानामित्यर्थः । अत एव सामान्यालंकारः । `सामान्यं गुणसाम्येन यत्र वस्त्वन्तरकता` इति लक्षणात् । अङ्गनानां स्मरापाण्डुतया लक्ष्यैर्विभिनवर्णत्वाद्भेदेन गृह्यमाणैरित्यर्थः । कपोलैर्मणिदर्पणानां स्फटिकमुकुराणां श्रीरिव श्रीः भेजे प्राप्ता इति निदर्शना । सा चोक्तसामान्यप्रसादलब्धेति तेनास्याः संकरः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
सा	व	र्ण्य	भा	जां	प्र	ति	मा	ग	ता	नां
ल	क्ष्यैः	स्म	र	पा	ण्डु	त	या	ङ्ग	ना	नाम्
य	स्यां	क	पो	लैः	क	ल	धौ	त	धा	म
स्त	म्भे	षु	भे	जे	म	णि	द	र्प	ण	श्रीः

Other texts to read

नैषधीयचरितम् श्रीहर्षः

भट्टिकाव्यम् भट्टिः

About

Resources

Connect