तस्यातसीसून समानभासो
भ्राम्यन्मयूखावलीमण्डलेन ।
चक्रेण रेजे यमुनाजलौघः
स्फुरन्महागर्त इवैकबाहुः ॥

मल्लिनाथः तस्येत्यादि । अतसीसूनेन क्षुमाकुसुमेन समानभासस्तुल्यकान्तेः । स्निग्धश्यामस्येत्यर्थः । `अतसी स्यादुमा क्षुमा` इत्यमरः । तस्य हरेरेकबाहुः भ्राम्यदावर्तमानं मयूखावलीनां मण्डलं चक्रवालं यस्य तेन चक्रेण सुदर्शनेन स्फुरन्महानावर्तो” भ्रमो यस्य सः । `स्यादावर्तोऽम्भसां भ्रमः` इत्यमरः। यमुनाजलानामोघः पूर इव रेजे । चक्रं दधावित्यर्थः

छन्दः उपजातिः [११]

छन्दोविश्लेषणम्