स दिवं समचिच्छदच्छरौघैः
कृततिग्मद्युतिमण्डलापलापैः ।
ददृशेऽथ च तस्य चापयष्ट्या-
मिषुरेकैव जनै सकृद्विसृष्टा ॥

मल्लिनाथः स इति ॥ कृतस्तिग्मद्युतिमण्डलस्यापलापो निह्नवो यैस्तैः । आच्छादितार्कमण्डलैरित्यर्थः । शरौघैर्दिवमाकाशं स हरिः समचिच्छदत् छादयति स्म । छादेः `गौ चङ्युपधाया हस्वः` (अष्टाध्यायी ७.४.१ ) `सन्यतः` (अष्टाध्यायी ७.४.७९ ) इत्यभ्यासस्येत्वम् । युक्तं चैतत् । लघुहस्तत्वादस्येत्याशयेनोत्प्रेक्ष्यते । अथास्मिन्नवसरे तस्य हरेश्चापयष्ट्यामिषुः सकृदेकदा विसृष्टा मुक्ता एकैव जनैर्ददृशे दृष्टा च । इषूणां पुङ्खानुपुङ्खगमनाद्राधीयानेक एवेपुरेकदैव गच्छतीत्युत्प्रेक्षा । ईदृशलघुहस्तस्याकाशसंछादनं युक्तमिति भावः

छन्दः औपच्छन्दसिक

छन्दोविश्लेषणम्

१	२	३	४	५	६	७	८	९	१०	११	१२
स	दि	वं	स	म	चि	च्छ	द	च्छ	रौ	घैः
कृ	त	ति	ग्म	द्यु	ति	म	ण्ड	ला	प	ला	पैः
द	दृ	शे	ऽथ	च	त	स्य	चा	प	य	ष्ट्या
मि	षु	रे	कै	व	ज	नै	स	कृ	द्वि	सृ	ष्टा

Other texts to read

महाभारतम् वेदव्यासः

नैषधीयचरितम् श्रीहर्षः

About

Resources

Connect