दयितैरिव खण्डिता मुरारे-
र्विशिखैः संमुखमुज्ज्वलाङ्गलेखैः ।
लघिमानमुपेयुषी पृथिव्यां
विफला शत्रुशरावलिः पपात ॥

मल्लिनाथः दयितैरिति ॥ उज्ज्वलाः स्फुटा अङ्गेषु लेखाचित्रलेखा नखरेखाश्च येषां तैः मुरारेर्विशिखैर्दयितैः प्रियैरिव संमुखं समक्षमेव खण्डिता नुन्ना, अन्यत्रावमानिता अत एव विफला विशल्या अलब्धकामा च । अत एव लघिमानमगुरुत्वं अल्पतां चोपेयुषी शत्रुशरावलिः पृथिव्यां पपात । अत्र प्रकृतशरावलिविशेपणसाम्यादप्रकृतखण्डितानायिकाप्रतीतेः समासोक्तिः । दयितैरिवेत्युपमाखण्डिताविशेषणान्तःपातित्वादङ्गमेव । अत एव तच्च विशेषणसाम्यं श्लिष्टतया साधारण्येनौपम्यगर्भत्वेन च भवतीत्युक्तं सर्वस्वकारैः `ज्ञातेऽन्यासङ्गविकृते खण्डिताकषायिता` इति । साप्येवं पृथिव्यां पततीति भावः

छन्दः औपच्छन्दसिक

छन्दोविश्लेषणम्

१	२	३	४	५	६	७	८	९	१०	११	१२
द	यि	तै	रि	व	ख	ण्डि	ता	मु	रा	रे
र्वि	शि	खैः	सं	मु	ख	मु	ज्ज्व	ला	ङ्ग	ले	खैः
ल	घि	मा	न	मु	पे	यु	षी	पृ	थि	व्यां
वि	फ	ला	श	त्रु	श	रा	व	लिः	प	पा	त

Other texts to read

किरातार्जुनीयम् भारविः

कुमारसंभवम् कालिदासः

About

Resources

Connect