मल्लिनाथः
अनिर्लोडितेति ॥ अनिर्लोडितं नालोकितं कार्यं येन तस्य । कार्याकार्यमजानत इत्यर्थः । वाचोऽस्य सन्तीति वाग्मी वावदूकः । `वाचो युक्तिपटुर्वाग्मी वावदूकोऽतिवक्तरि` इत्यमरः । `वाचो ग्मिनिः` (अष्टाध्यायी ५.२.१२४ ) इति ग्मिनिप्रत्ययः । तस्य वाग्जालं वागाडम्बरो निमित्ताल्लक्ष्यात् । `वेध्यं लक्ष्यं निमित्तं च शरव्यं च समं विदुः` इति वैजयन्ती। अपराद्धेषोः स्खलितबाणस्य । धनुः प्रहरणमस्येति धानुष्को धन्वी । `प्रहरणम्` (अष्टाध्यायी ४.४.५७ ) इति ठक् । `इसुसुक्तान्तात्कः` (अष्टाध्यायी ७.३.५१ ) `अपराद्धपृषत्कोऽसौ लक्ष्याद्यश्च्युतसायकः । धन्वी धनुष्मान् धानुष्कः` इत्यमरः। तस्य वलिगतमिव वृथा निष्फलम् । कार्यज्ञस्य वचो ग्राह्यं न तु वाचालस्येति भावः
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| अ | नि | र्लो | डि | त | का | र्य | स्य |
| वा | ग्जा | लं | वा | ग्मि | नो | वृ | था |
| नि | मि | त्ता | द | प | रा | द्धे | षो |
| र्धा | नु | ष्क | स्ये | व | व | ल्गि | तम् |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.