मल्लिनाथः
(युग्मम् ।) विद्विष इति ॥ तं पूर्वोक्तं हरिमुद्वीक्ष्य विद्विषः शत्रवोऽद्विषुः द्विषन्ति स्म । लङि `द्विषश्च` (अष्टाध्यायी ३.४.११२ ) इति विकल्पेन झेर्जुसादेशः । तथापि द्विषन्तोऽपि निरेनसो निष्पापा आसन् । द्वेषवीक्षणस्याप्येनोनिवर्तकत्वं दृष्टान्तेनाह-अरुच्यमिति । रोचत इति रुच्यम् । `राजसूय-` (३।११११४) इत्यादिना क्यबन्तो निपातितः। अरुच्यमरोचमानमपि भेषजमौषधम् । `भेषजौषधभेषज्यानि` इत्यमरः । निसर्गात्स्वभावशक्तेरेव रोगं हन्तीति रोगघ्नमारोग्यकारि । `हरिर्हरति पापानि` ( ) इति वचनादिति भावः । `अमनुष्यकर्तृके च` (अष्टाध्यायी ३.२.५३ ) इति टप्रत्ययः
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| वि | द्वि | षो | ऽद्वि | षु | रु | द्वी | क्ष्य |
| त | था | प्या | स | न्नि | रे | न | सः |
| अ | रु | च्य | म | पि | रो | ग | घ्नं |
| नि | स | र्गा | दे | व | भे | ष | जम् |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.