रक्तश्रुतिं जपासूनसमरागामिषुव्यधात् ।
कश्चित्पुरः सपत्नेषु समरागमिषुव्यधात् ॥

मल्लिनाथः रक्तेति ॥ कश्चिद्वीरः पुरोऽग्रे समरागामिषु समरमागतेषु सपनेषु इषुव्यधाद्वाणप्रहारात् । `व्यधजपोरनुपसर्गे` (अष्टाध्यायी ३.३.६१ ) इत्यप्प्रत्ययः । जपासूनसमरागां रक्तस्रुतिं रक्तस्रावं व्यधाद्विहितवान् । दधातेर्लुङि `गातिस्था-` (२|४|७७) इत्यादिना सिचो लुक् । उपमायमकयोः संसृष्टिः

छन्दः अनुष्टुप् [८]

छन्दोविश्लेषणम्