मल्लिनाथः
पुरस्कृत्येति ॥ फलं शल्यं पुरस्कृत्य पुरोधाय, अन्यत्र फलं लाभं पुरस्कृत्य । संभाव्येत्यर्थः । प्राप्तैरागतैः सत्पक्षाश्रयेण साधुकङ्कादिपत्रग्रन्थनेन, अन्यत्र साधुसहायावलम्बनेन शालन्ते इति तथोक्तै: मार्गणैः सायकैरर्थिभिश्च । `मार्गणौ सायकार्थिनौ` इत्यमरः । कृतपुङ्खतया सुबद्धकर्तरीकतया । `मुखस्थकर्तरी पुङ्खः` इति यादवः । अन्यत्र कुशलतयेत्यर्थः । लक्षं शरव्यं, अन्यत्र लक्षसंख्यमपि धनं लेभे, शतादिकं किमु वक्तव्यमिति भावः । `लक्षं शरव्ये संख्यायाम्` इति विश्वः । अत्राभिधायाः प्रकृतार्थनियन्त्रणादर्थान्तरप्रतीतेर्ध्वनिरेव
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ |
|---|---|---|---|---|---|---|---|---|
| पु | र | स्कृ | त्य | फ | लं | प्रा | प्तैः | |
| स | त्प | क्षा | श्र | य | य | शा | लि | भिः |
| कृ | त | पु | ङ्ख | त | या | ले | भे | |
| ल | क्ष | म | प्या | शु | मा | र्ग | णैः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.