इष्टं कृत्वार्थं पत्रिणः शार्ङ्गपाणे-
रेत्याधोमुख्यं प्रविशन्भूमिमाशु ।
शुद्धया युक्तानां वैरिवर्गस्य मध्ये
भर्त्रा क्षिप्तानामेतदेवानुरूपम् ॥

मल्लिनाथः इष्टमिति ॥ शार्ङ्गं पाणौ यस्य शार्ङ्गपाणेः कृष्णस्य । `प्रहरणार्थेभ्यः परे निष्ठासप्तम्यौ भवतः` (वा०) इति पाणेः परनिपातः । पत्रिणो बाणाः इष्टमर्थ शत्रुवधात्मकं कृत्वा आधोमुख्यमधोमुखत्वमेत्य प्राप्य आशु भूमिमाविशन् शुद्ध्या लोहशुद्ध्या पवित्रतया च युक्तानां तथापि भर्ना स्वामिना वैरिवर्गस्य मध्ये क्षिप्तानां पातितानाम्, एतदेव आधोमुख्येन क्वचिन्निलयनमेवानुरूपमुचितम् । सामान्येन विशेषसमर्थनरूपोऽर्थान्तरन्यासः । जागतं वैश्वदेवीवृत्तम् । `पञ्चाश्वैश्छिन्ना वैश्वदेवी ममौ यौ` इति लक्षणात्

छन्दः वैश्वदेवी [१२: ममयय]

छन्दोविश्लेषणम्

१	२	३	४	५	६	७	८	९	१०	११	१२	१३
इ	ष्टं	कृ	त्वा	र्थं	प	त्रि	णः	शा	र्ङ्ग	पा	णे
रे	त्या	धो	मु	ख्यं	प्र	वि	श	न्भू	मि	मा	शु
शु	द्ध	या	यु	क्ता	नां	वै	रि	व	र्ग	स्य	म	ध्ये
भ	र्त्रा	क्षि	प्ता	ना	मे	त	दे	वा	नु	रू	पम्
म			म			य			य

Other texts to read

नैषधीयचरितम् श्रीहर्षः

रघुवंशम् कालिदासः

About

Resources

Connect