संदानान्तादस्त्रिभिः शिक्षितास्त्रै-
रविश्याधः शातशस्त्रावलूनाः ।
कूर्मौपम्यं व्क्तमन्तर्नदीना-
मैभाः प्रापन्नङ्घ्रयोऽसृङ्मयीनाम् ॥

मल्लिनाथः संदानान्तादिति ॥ शिक्षितास्त्रैरभ्यस्तास्त्रविद्यैरस्त्रिभिरायुधीयैः अधः रथानामधस्तादाविश्य प्रविश्य संदानान्ताद्वन्धनप्रदेशात् । गुल्फप्रदेशमधिकृत्येत्यर्थः । `संदानं पशूनां पादबन्धनम्` इति विश्वः । शातं शितम् । `शाच्छोरन्यतरस्याम्` (अष्टाध्यायी ७.४.४१ ) इति विकल्पादीत्वाभावः । तेन शस्त्रेणावलूनाश्छिन्नाः । इभानामिमे ऐभाः अङ्घ्रयश्चरणाः असृङ्मयीनां रक्तविकाराणां नदीनामन्तरभ्यन्तरे व्यक्तं कूर्मौपम्यं कमठोपमाम् । स्वार्थे ष्यञ्प्रत्ययः । अत एवौपम्यादयः चातुर्वर्ण्यवदिति वामनः । प्रापन् प्राप्ताः । आपो लुङि `पुषादि-` (३।११।५५) इति च्लेरङादेशः । उपमा

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
सं	दा	ना	न्ता	द	स्त्रि	भिः	शि	क्षि	ता	स्त्रै
र	वि	श्या	धः	शा	त	श	स्त्रा	व	लू	नाः
कू	र्मौ	प	म्यं	व्क्त	म	न्त	र्न	दी	ना
मै	भाः	प्रा	प	न्न	ङ्घ्र	यो	ऽसृ	ङ्म	यी	नाम्
म			त			त			ग	ग

Other texts to read

भट्टिकाव्यम् भट्टिः

रघुवंशम् कालिदासः

About

Resources

Connect