मदाम्भसा परिगलितेन सप्तधा
गजाञ्जनः शमितरजश्चयानधः ।
उपर्यवस्थितघनपांशुमण्डला-
नलोकयत्ततपटमण्डपानिव ॥

मल्लिनाथः मदाम्भसेति ॥ सप्तधा `कराकटाभ्यां मेढ्राच्च नेत्राभ्यां च मदस्रुतिः` इति पालकाप्ये । सप्तभिः स्रोतोभिः परिगलितेन स्रुतेन मदाम्भसा अधः शमितो रजश्चयो यैस्तान् उपर्यवस्थितानि तथैव स्थितानि धनानि सान्द्राणि पांशुमण्डलानि पूर्वोत्थरजःपुञ्जा येषां तान्गजान् जनो लोकस्तता उपरि वितताः पटमण्डपा येषां तानिवेत्युत्प्रेक्षा । अलोकयत्

छन्दः रुचिरा [१३: जभसजग]

छन्दोविश्लेषणम्