अवज्ञया यदहसदुच्चकैर्बलः
समुल्लसद्दशनमयूखमण्डलः ।
रुषारुणीकृतमपि तेन तत्क्षणं
निजं वपुः पुनरयन्निजां रुचिम् ॥

मल्लिनाथः अवशयेति ॥ बलो बलभद्रः समुल्लसत्समन्ततः प्रसरद्दशनमयूखमण्डलं दन्तरश्मिपटलं यस्य स सन् अवज्ञयाऽनादरेण उच्चैरहसदिति यत् तेन हासेन रुषारुणीकृतमपि निजं वपुः तत्क्षणं तस्मिन्क्षणे । अत्यन्तसंयोगे द्वितीया । पुनरुचिं धावल्यमेवानयत् । अत्र वपुषः स्वधावल्यत्यागेन दन्तधावल्यस्वीकारात्तद्गुणालंकारः । `तद्गुणः स्वगुणत्यागादन्योत्कृष्टगुणाश्रयात्` इति लक्षणात्

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
अ	व	ज्ञ	या	य	द	ह	स	दु	च्च	कै	र्ब	लः
स	मु	ल्ल	स	द्द	श	न	म	यू	ख	म	ण्ड	लः
रु	षा	रु	णी	कृ	त	म	पि	ते	न	त	त्क्ष	णं
नि	जं	व	पुः	पु	न	र	य	न्नि	जां	रु	चिम्
ज			भ			स			ज			ग

Other texts to read

महाभारतम् वेदव्यासः

नैषधीयचरितम् श्रीहर्षः

About

Resources

Connect