अरातिभिर्युधि सहयुध्वनो हता-
ञ्जिघृक्षवः श्रुतरणतूर्यनिःस्वनाः ।
अकुर्वत प्रथमसमागमोचितं
चिरोज्झितं सुरगणिकाः प्रसाधनम् ॥

मल्लिनाथः अरातिभिरिति ॥ सह युध्यन्त इति तान्सहयुध्वनः । `सहे च` (३।२। ९६) इति क्वनिप् । अत एवारातिभिर्युधि हतान् जिघृक्षवो ग्रहीतुमिच्छवः स्वयंवरणकामाः । ग्रहेः सन्नन्तादुप्रत्ययः । सुरगणिका अप्सरसः श्रुतरणतूर्यनिःस्वनाः सत्यश्चिरोज्झितम् । प्रायेण प्रवीरसंवादाभावादिति भावः । प्रथमसमागमोचितम् । अतिमोहनमित्यर्थः । प्राथम्यं च पुंसामिदं प्रथमत्वादिति भावः । प्रसाध. नमकुर्वत । परिष्कृतवत्य इत्यर्थः । `प्रतिकर्म प्रसाधनम्` इत्यमरः । अत्र स्वयंवरणतूर्यश्रवणयोर्विशेषणगत्या प्रसाधनहेतुत्वात्काव्यलिङ्गम्

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
अ	रा	ति	भि	र्यु	धि	स	ह	यु	ध्व	नो	ह	ता
ञ्जि	घृ	क्ष	वः	श्रु	त	र	ण	तू	र्य	निः	स्व	नाः
अ	कु	र्व	त	प्र	थ	म	स	मा	ग	मो	चि	तं
चि	रो	ज्झि	तं	सु	र	ग	णि	काः	प्र	सा	ध	नम्
ज			भ			स			ज			ग

Other texts to read

श्रीमद्भगवद्गीता

भट्टिकाव्यम् भट्टिः

About

Resources

Connect