गभीरताविजितमृदङ्गनादया
स्वनश्रिया हतरिपुहंसहर्षया ।
प्रमोदयन्नथ मुखरान्कलापिनः
प्रतिष्ठते नवघनवद्रथः स्म सः ॥

मल्लिनाथः गभीरतेति ॥ अथ गरुडागमनानन्तरं स रथो नवघनवत् नवघनेन नवाम्बुदेन तुल्यम् । `तेन तुल्यम्-` (अष्टाध्यायी ५.१.११५ ) इति वतिप्रत्ययः । गभीरतया गाम्भीर्येण विजितो मृदङ्गनादो यया तया हतो रिपुहंसानां हंसानामिव रिपूर्णां हर्षो यया तया स्वनश्रिया ध्वनिसंपदा मुखरान्कूजतः कलापिनो मयूरान्प्रमोदयन् प्रतिष्ठते स प्रतस्थे । `समवप्रविभ्यः स्थः` (१॥३।२२) इत्यात्मनेपदम् । `लट् स्मे` (अष्टाध्यायी ३.२.११८ ) इति भूते लट् । तद्धितगता श्रौती पूर्णोपमा

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
ग	भी	र	ता	वि	जि	त	मृ	द	ङ्ग	ना	द	या
स्व	न	श्रि	या	ह	त	रि	पु	हं	स	ह	र्ष	या
प्र	मो	द	य	न्न	थ	मु	ख	रा	न्क	ला	पि	नः
प्र	ति	ष्ठ	ते	न	व	घ	न	व	द्र	थः	स्म	सः
ज			भ			स			ज			ग

Other texts to read

श्रीमद्भगवद्गीता

रघुवंशम् कालिदासः

About

Resources

Connect