महतः कुकुरान्धकद्रुमा-
नतिमात्रं दववद्दहन्नपि ।
अतिचित्रमिदं महीपति-
र्यदकृष्णामवनीं करिष्यति ॥

मल्लिनाथः महत इति ॥ यत्तदोनित्यसंबन्धात् । स महीपतिर्महतोऽधिकान् कुकुराश्चा न्धकाश्च यादवभेदास्तानेव द्रुमानतिमात्रं दववद्दवाग्निवत् । `दवदावौ वनारण्यवह्नी` इत्यमरः । दहन्नपि अवनीमकृष्णामश्यामां करिष्यति इति यत् इदमतिचित्रम् । विरुद्धमित्यर्थः । कृष्णरहितामित्यविरोधः । अत एव विरोधाभासोऽलंकारः । कुकुरान्धकैः सह कृष्णं हनिष्यतीति श्लेषार्थः

छन्दः वियोगिनी []

छन्दोविश्लेषणम्