न विदध्युरशङ्कमप्रियं
महतः स्वार्थपराः परे कथम् ।
भजते कुपितोऽप्युदारधी-
रनुनीतिं नतिमात्रकेण सः ॥

मल्लिनाथः नेति ॥ स्वार्थपराः स्वार्थनिष्ठाः परे शत्रवो महतोऽधिकस्य कथमप्रियमपकारम् अशङ्कं यथा तथा न विदध्युः । कुर्युरेव कार्यवशादित्यर्थः । किंतु उदारधीमहामतिः । `उदारो दातृमहतोः` इत्यमरः । स राजा कुपितोऽपि नतिमात्रकेण प्रणतिमात्रकेणानुनीतिमनुनयं भजते । अनुग्रहीष्यतीत्यर्थः । `प्रणिपातप्रतीकारः संरम्भो हि महात्मनाम्` इति भावः

छन्दः वियोगिनी []

छन्दोविश्लेषणम्