मल्लिनाथः
अनिरूपितेति ॥ अनिरूपितरूपसंपदः शैलूषवद्बहुरूपधारित्वादज्ञातरूपविशेषस्यावाङ्मनसगोचरस्वरूपवैभवस्येति च गम्यते । अन्यत्र आरोपितं कृष्णरूपं तेजोविशेषाभावस्तम इति च मतद्वयेऽपि प्रमाणानवधृतरूपसंपद इत्यर्थः । अन्यभृतच्छदच्छवेः कोकिलपक्षकान्तेस्तव तमसो वा तिमिरस्येव । वा स्याद्विकल्पोपमयोः` इति विश्वः । सर्वगतस्य क्षितिपश्चेदिपोऽभीशुमानंशुमानिव संप्रतीदानीमेव क्षिप्नुः क्षेप्ता । हन्तेत्यर्थः । शास्तासौ दुरात्मनामिति भावः । `त्रसि&#३२; गृधिषिक्षिपेः नुः` (अष्टाध्यायी ३.२.१४० ) इति क्नु प्रत्ययः । `न लोका-` (अष्टाध्यायी २.३.६९ ) इत्यादिना कृद्योगे षष्ठ्या निषेधे तवेति शेषे षष्ठी । पर्यवसानात्तु कर्मत्वलाभः । `अभीषुः प्रग्रहे रश्मौ` इत्यमरः । विश्वप्रकाशादयः सर्वेऽप्याभिधानिका मूर्धन्यान्तेषु पेठुः । लोकवेदयोस्तु तालव्यान्तो दृश्यते । `अभीशूनां महिमानम्` इत्यादि
छन्दः
गीतिः
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| अ | नि | रू | पि | रू | प | सं | प | ||||
| द | स्त | म | सो | वा | न्य | भृ | त | च्छ | द | च्छ | वेः |
| त | व | स | र्व | ग | त | स्य | सं | प्र | |||
| ति | क्षि | ति | पः | क्षि | प्नु | र | भी | शु | मा | नि | व |
About
Sanskrit Sahitya is a free, open-access digital library of classical Sanskrit literature with AI-powered tools and translations.