इत्युदीरितगिरं नृपस्त्वयि
श्रेयसि स्थितवति स्थिरा मम ।
सर्वसम्पदिति शौरिमुक्तवा-
नुद्वहन्मुदमुदस्थित क्रतौ ॥

मल्लिनाथः इतीति ॥ इतीत्थमुदीरितगिरमुपन्यस्तवाचं शौरिं हरिं नृपो युधिष्ठिरः त्वयि श्रेयस्यभ्युदये विषये स्थितवति सति । त्वयि क्षेमंकरे सतीत्यर्थः । मम सर्वसंपत् स्थिरेत्युक्तवान् । मुदमुद्वहन् सहायसंपत्त्या संतुष्यन् सन् । क्रतावुदस्थित । क्रतुं कर्तुमुद्युक्तवानित्यर्थः । तिष्ठतेर्लुङि `उदोऽनूर्ध्वकर्मणि` (॥३।२४) इत्यादिनात्मनेपदं `स्थाध्वोरिच` (अष्टाध्यायी १.२.१७ ) इति सिचः कित्वादिकारः । `हस्वादङ्गात्` (अष्टाध्यायी ८.२.२७ ) इति सकारलोपः

छन्दः रथोद्धता [११: रनरलग]

छन्दोविश्लेषणम्

१	२	३	४	५	६	७	८	९	१०	११
इ	त्यु	दी	रि	त	गि	रं	नृ	प	स्त्व	यि
श्रे	य	सि	स्थि	त	व	ति	स्थि	रा	म	म
स	र्व	स	म्प	दि	ति	शौ	रि	मु	क्त	वा
नु	द्व	ह	न्मु	द	मु	द	स्थि	त	क्र	तौ
र			न			र			ल	ग

इत्युदीरितगिरं नृपस्त्वयि
श्रेयसि स्थितवति स्थिरा मम ।
सर्वसम्पदिति शौरिमुक्तवा-
नुद्वहन्मुदमुदस्थित क्रतौ ॥

Other texts to read

रघुवंशम् कालिदासः

नैषधीयचरितम् श्रीहर्षः

About

Resources

Connect