रभसेन हारपददन्तकाञ्चयः
प्रतिमूर्धजं निहितकर्णपूरकाः ।
परिवर्तिताम्बरयुगाः समापत-
न्वलयीकृतश्रवणपूरकाः स्त्रियः ॥

मल्लिनाथः रभसेनेति ॥ रभसेन त्वरया हारपदे मुक्तादामस्थाने वक्षसि दत्तकाञ्चयो न्यस्तरशनाः प्रतिमूर्धजं मूर्धजेषु केशेषु । विभक्त्यर्थेऽव्ययीभावः । विहिताः कर्णपूरकाः कर्णावतंसा याभिस्ताः । परिवर्तितं विपर्यासेन धृतमम्बरयुगं उत्तराधरवाससी याभिस्ताः । परिधानीकृतमुत्तरीयं कुचांशुकं च जघने दत्तमित्यर्थः । वलयीकृताः कंकणीकृताः श्रवणपूरकाः कुण्डलानि याभिस्ताः स्त्रियः समापतन्नधावन् । एतेन विभ्रमाख्या चेष्टोक्ता । `विभ्रमस्वरया काले भूषास्थानविपर्यये` इति लक्षणात् । स च भ्रममूल इति भ्रान्तिमदलंकारो व्यज्यते

छन्दः मञ्जुभाषिणी [१३: सजसजग]

छन्दोविश्लेषणम्

१	२	३	४	५	६	७	८	९	१०	११	१२	१३
र	भ	से	न	हा	र	प	द	द	न्त	का	ञ्च	यः
प्र	ति	मू	र्ध	जं	नि	हि	त	क	र्ण	पू	र	काः
प	रि	व	र्ति	ता	म्ब	र	यु	गाः	स	मा	प	त
न्व	ल	यी	कृ	त	श्र	व	ण	पू	र	काः	स्त्रि	यः
स			ज			स			ज			ग

Other texts to read

नैषधीयचरितम् श्रीहर्षः

महाभारतम् वेदव्यासः

About

Resources

Connect