इभकुम्भतुंङ्गकठिनेतरेतर-
स्तनभारदूरविनिवारितोदराः ।
परिफुल्लगण्डफलकाः परस्परं
परिरेभिरे कुकुरकौरवस्त्रियः ॥

मल्लिनाथः इभेति ॥ इभकुम्भा इव ये तुङ्गाः कठिनाश्च इतरेतरासां स्तनभारास्तैर्दूरे विनिवारितान्यतिकार्यादस्फुटतया स्थापितान्युदराणि यासां ताः । `स्वाङ्गाच्च-` (४।१०५४) इति विकल्पादनीकारः । परिफुल्लगण्डफलकाः हर्षपुलकितगण्डस्थलाः कुकुरकौरवस्त्रियो यादवपाण्डवागनाः परस्परं परिरेभिर आश्लिष्टवत्यः । `परिरम्भः परिष्वङ्ग आश्लेष उपगूहनम्` इत्यमरः । परिफुल्लेति फुल्लतेः पचाद्यजन्तं न तु फलतेः निष्टान्तम् । अनुपसर्गादिति कथनविरोधात्

छन्दः मञ्जुभाषिणी [१३: सजसजग]

छन्दोविश्लेषणम्

१	२	३	४	५	६	७	८	९	१०	११	१२	१३
इ	भ	कु	म्भ	तुं	ङ्ग	क	ठि	ने	त	रे	त	र
स्त	न	भा	र	दू	र	वि	नि	वा	रि	तो	द	राः
प	रि	फु	ल्ल	ग	ण्ड	फ	ल	काः	प	र	स्प	रं
प	रि	रे	भि	रे	कु	कु	र	कौ	र	व	स्त्रि	यः
स			ज			स			ज			ग

Other texts to read

महाभारतम् वेदव्यासः

किरातार्जुनीयम् भारविः

About

Resources

Connect