प्लुतमिव शिशिरांशोरंशुभिर्यन्निशासु
स्फटिकमयराजद्राजताद्रिस्थलाभम् ।
अरुणितमकठोरैर्वेश्म काश्मीरजाम्भः-
स्नपितमिव तदेतद्भानुभिर्भाति भानोः ॥

मल्लिनाथः प्लुतमिति ॥ राजताद्रिस्थलाभं सुधाधवलितत्वात्कैलासतटसंनिभं यद्वेश्म निशासु शिशिरांशोरिन्दोरंशुभिश्चन्द्रिकाभिः प्लुतं धौतं सत् स्फटिकमयं स्फटिकविकार इवाराजद्रेजे । तदेतद्वेश्म भानोः सूर्यस्य अकठोरैः कोमलैर्भानुभिः अरुणितमरुणिकृतं सत् काश्मीरदेशे जातं काश्मीरजं कुङ्कुमं तस्याम्भसा स्नपितं सिक्तमिव भाति । उत्प्रेक्षयोः संसृष्टिः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
प्लु	त	मि	व	शि	शि	रां	शो	रं	शु	भि	र्य	न्नि	शा	सु
स्फ	टि	क	म	य	रा	ज	द्रा	ज	ता	द्रि	स्थ	ला	भम्
अ	रु	णि	त	म	क	ठो	रै	र्वे	श्म	का	श्मी	र	जा	म्भः
स्न	पि	त	मि	व	त	दे	त	द्भा	नु	भि	र्भा	ति	भा	नोः
न			न			म			य			य

Other texts to read

कुमारसंभवम् कालिदासः

महाभारतम् वेदव्यासः

About

Resources

Connect