व्रजतिविषयमक्ष्णामंशुमाली न याव-
त्तिमिरमखिलमस्तं तावदेवारुणेन ।
परपरिभवि तेजस्तन्वतामाशु कर्तुं
प्रभवति हि विपक्षोच्छेदमग्रेसरोऽपि ॥

मल्लिनाथः व्रजतीति ॥ अंशुमाली सूर्यः । व्रीह्यादित्वादिनिप्रत्ययः । यावदक्ष्णां विषयं भूमिं न व्रजति । न दृश्यत इत्यर्थः । तावदेवारुणेनानूरुणाखिलं तिमिरमस्तमपास्तं परेषां परिभवि तिरस्कारकम् । `जिदृक्षि-` (अष्टाध्यायी ३.२.१५७ ) इत्यादिना इनिप्रत्ययः । तेजः प्रतापं तन्वतां प्रथयतामग्रे सरतीत्यग्रेसरः पुरःसरोऽपि । `पुरोऽग्रतोऽग्रेषु सर्तेः` (अष्टाध्यायी ३.२.१८ ) इति टप्रत्ययः । विपक्षस्य शत्रोरुच्छेदं कर्तुमाशु प्रभवति शक्नोति हि । सामान्येन विशेषसमर्थनरूपोऽर्थान्तरन्यासः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
व्र	ज	ति	वि	ष	य	म	क्ष्णा	मं	शु	मा	ली	न	या	व
त्ति	मि	र	म	खि	ल	म	स्तं	ता	व	दे	वा	रु	णे	न
प	र	प	रि	भ	वि	ते	ज	स्त	न्व	ता	मा	शु	क	र्तुं
प्र	भ	व	ति	हि	वि	प	क्षो	च्छे	द	म	ग्रे	स	रो	ऽपि
न			न			म			य			य

Other texts to read

भट्टिकाव्यम् भट्टिः

नैषधीयचरितम् श्रीहर्षः

About

Resources

Connect