सरभसपरिरम्भारम्भसंरम्भभाजा
यदधिनिशमपास्तं वल्लभेनाङ्गनायाः ।
वसनमपि निशान्ते नेष्यते तत्प्रदातु
रथचरणविशालश्रेणिलोलेक्षणेन ॥

मल्लिनाथः सरभसेति ॥ अधिनिशं निशायाम् । विभक्त्यर्थेऽव्ययीभावः । सरभसः सत्वरः परिरम्भ एवारम्भो व्यापारस्तत्र संरम्भस्तद्भाजा वल्लभेनाङ्गनायाः संबन्धि यद्वसनमपास्तं तद्वसनं निशान्ते प्रभातेऽपि रथचरणं चक्रं तद्वद्विशालायां श्रोणौ लोलं सतृष्णमीक्षणं यस्य तेन वल्लभेन प्रदातुं नेष्यते । अत्र वसनाप्रतिदानस्य श्रोणीक्षणलौल्यहेतुकत्वात्काव्यलिङ्गम्

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
स	र	भ	स	प	रि	र	म्भा	र	म्भ	सं	र	म्भ	भा	जा
य	द	धि	नि	श	म	पा	स्तं	व	ल्ल	भे	ना	ङ्ग	ना	याः
व	स	न	म	पि	नि	शा	न्ते	ने	ष्य	ते	त	त्प्र	दा	तु
र	थ	च	र	ण	वि	शा	ल	श्रे	णि	लो	ले	क्ष	णे	न
न			न			म			य			य

Other texts to read

भट्टिकाव्यम् भट्टिः

महाभारतम् वेदव्यासः

About

Resources

Connect