अविरतरतलीलायाःसजातश्रमाणा-
मुपशममुपयान्तं निःसहेऽङ्गेऽङ्गनानाम् ।
पुनरुषसि विविक्तैमर्मातरिश्वावचूर्ण्य
ज्वलयति मदनाग्निं मालतीनां रजोभिः ॥

मल्लिनाथः अविरतेति ॥ अविरतरतलीलायासेन अविच्छिन्नसुरतक्रीडाप्रयासेन जातश्रमाणामङ्गनानां संबन्धिनि निःसहत इति निःसहेऽक्षमे । पचाद्यच् । अङ्गे उपशममुपयान्तं शाम्यन्तं मदन एवाग्निस्तं पुनरुषसि मातर्यन्तरिक्षे श्वयति वर्धत&#३२; इति मातरिश्वा । `श्वन्नुक्षन्-` (उ० १५७) इत्यादिना औणादिको निपातः । विविक्तैरमलैरनार्द्रैश्च मालतीनां जातीकुसुमानाम् । `सुमना मालती जातिः` इत्यमरः । रजोभिः परागैः । करीषैरिवेति भावः । अवचूर्ण्यावध्वस्य । संयुज्येति भावः । ज्यलयत्युद्दीपयति । प्राभातिकमालतीवातस्पर्शात्पुनरुद्बुद्धो मदन इत्यर्थः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५	१६
अ	वि	र	त	र	त	ली	ला	याः	स	जा	त	श्र	मा	णा
मु	प	श	म	मु	प	या	न्तं	निः	स	हे	ऽङ्गे	ऽङ्ग	ना	नाम्
पु	न	रु	ष	सि	वि	वि	क्तै	म	र्मा	त	रि	श्वा	व	चू	र्ण्य
ज्व	ल	य	ति	म	द	ना	ग्निं	मा	ल	ती	नां	र	जो	भिः
न			न			म			य			य

Other texts to read

योगवासिष्ठम् वाल्मीकिः

भट्टिकाव्यम् भट्टिः

About

Resources

Connect