उद्धतैर्निभृतमेक-
मनेकैश्छदवन्मृगदृशामविरामैः ।
श्रूयते स्म मणितं कल-
काञ्चीनूपुरध्वनिभिरक्षतमेव ॥

मल्लिनाथः उद्धतैरिति ॥ निभृतमनुद्धतम् । सूक्ष्ममित्यर्थः । एकमेकाकि छेदवद्विच्छेदयुक्तम् । मृगदृशां मणितं रतिकूजितं उद्धतैः स्थूलैरनेकैर्बहुभिरविरामैरविच्छेदैः कलैरव्यक्तमधुरैः काञ्चीनां नूपुराणां च धनिभिरक्षतमतिरस्कृतमेव श्रूयते स्म श्रुतम् । मणितस्य तिरोधायकशब्दान्तरसद्भावेऽपि ताद्रूप्यानापत्तेरतद्गुणालंकारः । `सति हेतावतद्रूपस्वीकारः स्यादतद्गुणः` इति लक्षणात्

छन्दः आर्यागीतिः []

छन्दोविश्लेषणम्