मल्लिनाथः
समीरेति ॥ समीरेण मारुतेन शिशिरः शीतलः शिरःसु शिखरेषु वसतां निकामसुखिनामत्यन्तसुखिनां सतां पुण्यवतां मुदं जनयन्नयमद्विरपामम्भसामपायेनापगमेन धवला बलाहकततीर्मेघपङ्क्तीरेव जवनिकास्तिरस्करिणीर्बिभर्ति । अनावृतेष्वपि शिखरेषु क्रीडने मेधैरेवावरणतां संपाद्य मुदं जनयतीत्यर्थः ॥ अत्र&#३२; बलाहकततिष्वारोप्यमाणानां जवनिकानां मुदं जनयन्निति प्रकृतोपयोगिवर्णनात् परिणामालंकारः । `आरोप्यमाणस्य प्रकृतोपयोगित्वे परिणामः` इति लक्षणात् । रूपके तूपरञ्जनमात्रमिति भेदः । जलोद्धतगतिर्वृत्तम् । `रसैर्जसजसा जलोद्धतगतिः` इति लक्षणात्
छन्दः
जलोद्धतगतिः [१२: जसजस]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| स | मी | र | शि | शि | रः | शि | रः | सु | व | स | ता |
| स | ता | ज | व | नि | का | नि | का | न | सु | खि | नाम् |
| बि | भ | र्ति | ज | न | य | न्न | यं | मु | द | म | पा |
| म | पा | य | ध | व | ला | व | ला | ह | क | त | तीः |
| ज | स | ज | स | ||||||||
About
Sanskrit Sahitya is a free, open-access digital library of classical Sanskrit literature with AI-powered tools and translations.