उपाहितैर्वपुषि निवातवर्मभिः
स्फुरन्मणिप्रसृतमरीचिसूचिभिः ।
निरन्तरं नरपतयो रणाजिरे
रराजिरे शरनिकराचिता इव ॥

मल्लिनाथः उपाहितैरिति ॥ रणाजिरे रणाङ्गणे नरपतयो राजानो वपुषि उपाहितैरामुक्तैः स्फुरन्तो मणिप्रसृता रत्ननिर्गता मरीचय एव सूचयो येषां तैः निवातवर्मभिरच्छिन्द्रकञ्चुकैः । `निवातो दृढसंनाहे निर्वाते चाश्रयेऽपि च` इति विश्वः । `तनुत्रं वर्म कञ्चुकम्` इत्यमरः । निरन्तरं नीरन्ध्रं शरनिकरैराचिताः प्रोता इव रराजिरे । `फणां च सप्तानाम्` (अष्टाध्यायी ६.४.१२५ ) इति विकल्पादेत्वाभ्यासलोपाभावः । मणिरोचिषः सादृश्याच्छरनिकरत्वोत्प्रेक्षा

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
उ	पा	हि	तै	र्व	पु	षि	नि	वा	त	व	र्म	भिः
स्फु	र	न्म	णि	प्र	सृ	त	म	री	चि	सू	चि	भिः
नि	र	न्त	रं	न	र	प	त	यो	र	णा	जि	रे
र	रा	जि	रे	श	र	नि	क	रा	चि	ता	इ	व
ज			भ			स			ज			ग

Other texts to read

रघुवंशम् कालिदासः

कुमारसंभवम् कालिदासः

About

Resources

Connect