अनिशान्तवैरदहनेन
विरहितवतान्तरार्द्रताम् ।
कोपमरुदभिहितेन भृशं
नरकात्मजेन तरुणेव जज्वले ॥

मल्लिनाथः अनिशान्तेति ॥ अनिशान्तोऽनिर्वाणो वैरदहनो विरोधाग्निर्यस्य तेन अत एवान्तरभ्यन्तरे आर्द्रतां सारस्यं विरहितवता त्यक्तवता । रहयतेः क्तवतुप्रत्ययः । कोपो मरुदिव तेनाभिहतः प्रज्वलितः तेन नरकात्मजेन वेणुदारिणा तरुणा वृक्षेणेव भृशं जज्वले ज्वलितम् । भावे लिट् । उपमालंकारः

छन्दः उद्गता []

छन्दोविश्लेषणम्