अजनि शनैर्विशदं जग-
दपसर्पति कालकूटसंतमसे ।
तात्पर्यमिव कवीनां
तार्किककोलाहलोपरमे ॥

विस्तारः तार्किककोलाहले प्रद्वेषः शिवलीलार्णवेऽप्येवमाविष्कृतः कविना--- अप्यन्तिकस्थैरविभावनीयः सूक्ष्मः प्रकृत्या मृदुसूक्तिजन्मा । कुतर्कविद्याव्यसनोपजातैः कोलाहलैर्न ध्वनिरेष वेद्यः । वाच कवीनामुपलालयन् या भुङ्क्ते रसज्ञो युवति युवेव । तामेव भुङ्क्ते ननु तार्किकोऽपि प्राणान्हरन्भूत इव प्रविष्टः ॥

छन्दः आर्या []

छन्दोविश्लेषणम्