९.६५
तान्हत्वा गजकुलबद्धतीव्रवैरान्काकुस्थः कुटिलनखाग्रलग्नमुक्तान् ।
आत्मानं रणकृतकर्मणां गजानामानृण्यं गतमिव मार्गणैरमंस्त ॥
सञ्जीविनीटीका (मल्लिनाथः) तानिति॥ काकुत्स्थो दशरतः। गजकुलेषु बद्धं तीव्रं वैरं यैस्तान्। कुटिलेषु नखाग्रेषु लग्ना मुक्ता गजकुम्भमौक्तिकानि येषां तान्सिंहान्हत्वा आत्मानं रणेषु कृतकर्मणां कृतोपकाराणां गजानामानृण्यमनृणत्वं मार्गणैः शरैः। मार्गणो याचके शरे इति विश्वः। गतं प्राप्तवन्तमिवामंस्त मेने ॥
छन्दः प्रहर्षिणी [१३: मनजरग]
छन्दोविश्लेषणम्
१२३४५६७८९१०१११२१३
ता न्ह त्वागजकुल बद्ध तीव्र वै रा
न्का कु स्थःकुटिलन खाग्र लग्न मु क्तान्
आ त्मा नंरणकृत कर्म णांग जा ना
मा नृ ण्यंगतमिव मार्ग णैर मंस्त
मनजरग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.